Испания спорт суди "Барселона" ҳужумчиси Роберт Левандовскининг 3та ўйиндан иборат дисквалификациясини ўз кучида қолдириш ҳақида қарор қабул қилди.

Эслатиб ўтамиз, польшалик футболчи «Осасуна»га қарши ўйинда майдондан четлатилганди ва Тартиб-интизом қўмитаси уни 3та ўйинга четлаиш ҳақида ҳукм чиқарганди.

Каталонияликлар ушбу қарор устидан Мадриддаги марказий судга мурожаат қилишди. Ушбу суд дастлаб ҳукмнинг кучга кириш муддатини ортга сурди. Шунинг учун Левандовски «Эспаньол»га қарши ўйинда (1:1) иштирок этди.

Маъмурий спорт суди эса Тартиб-интизом қўмитасининг қарорини ўз кучида қолдириш ҳақида қарор чиқарди. Шу сабабли, «Барса» яна апелляция берган тақдирда ҳам Левандовски «Атлетико»га қарши ўйинда иштирок эта олмайди. Шунингдек, у «Хетафе» ва «Жирона»га қарши учрашувларни ҳам ўтказиб юборади.

Футболчининг дисквалификацияси бошқа мусобақаларга таъсир қилмайди.