"Челси" яқин орада "Монако" ҳимоячиси Бенуа Бадьяшиль билан шартнома имзолаганини эълон қилмоқчи. Журналист Фабрицио Романонинг ёзишича, клублар ўзаро барча керакли ҳужжатларни имзолаган ва франциялик футболчи тиббий кўрикдан ўтиб, узоқ муддатли шартнома имзолаган.
Бадьяшилнинг трансфери "РБ Лейпциг"дан Йошко Гвардиол учун курашда "Челси"нинг имкониятларини сезиларли даражада пасайтиради, чунки Бенуа ҳам чап оёқли марказий ҳимоячи ҳисобланади.
Бадьяшиль "Челси"га 40 миллион еврога тушади ва бу трансфер ойнасида клубнинг иккинчи хариди бўлади. Ҳозир жамоа Англия чемпионатида ўнинчи ўринда бормоқда.
