"Манчестер Юнайтед" дарвозабони Давид де Хеа бош мураббий Эрик тен Хагнинг "Борнмут" устидан қозонилган ғалабага (3:0) муносабати ҳақида фикр билдирди.
“Тен Хаг ўз дарвозамиз дахлсизлигини сақлаб қолганимиздан мамнун бўлди, лекин шу билан бирга у бироз ғазабланди. Чунки биз рақибга жуда кўп вазиятлар яратишга имкон бердик ва ўйин охирида жуда очиқ ўйнадик. Шу сабабли, у ғазабланди.
Тен Хаг футболчиларни бир хил йўналишга йўналтиришини юқорида айтгандим, биз ўзимизни яхши жамоадек ҳис қиламиз. У ажойиб руҳ олиб келди, биз бу жадалликни сақлаб қолишимиз керак" - деди де Хеа Manchester Evening News нашрига.
"Манчестер Юнайтед" ҳозирда АПЛ турнир жадвалида 4-ўринда бормоқда.
