"Реал"нинг умидли ярим ҳимоячиси Нико Пас Испания чемпионатини Германия Бундеслигасига ўзгартириши мумкин.
Sport.de нашри хабар беришича, 18 ёшли футболчининг хизматларига Дортмунднинг "Боруссия" клуби қизиқиш билдирмоқда. "Арилар" раҳбарияти ёзги трансфер ойнасида Паснинг трансферини ташкил қилишни режалаштирмоқда. Футболчи учун баҳсда "Боруссия"нинг асосий рақиблари Испаниянинг "Хетафе" ва "Вальядолид" клублари бўлади.
Пас бу мавсум УЕФА ёшлар лигасида 5 та гол урди.
Қўшимча қиламизки, 15 турдан сўнг Дортмунднинг "Боруссия"си 25 очко билан Бундеслига турнир жадвалида бешинчи ўринда бормоқда.
