Машҳур ҳужумчи Луис Суарес Бразилиянинг "Гремио" футболчиси сифатида таништирилди. Ижтимоий тармоқларда 35 ёшли уругвайлик футболчининг Бразилиядаги тақдимот маросимидан видеолар пайдо бўла бошлади. Мухлислар мобил телефонларидаги чироқларни ёқиш орқали стадионда ажойиб муҳит яратдилар.

Шарҳларда мухлислар Луис Суареснинг "Гремио"даги тақдимоти бир неча кун аввал бўлиб ўтган Криштиану Роналдунинг "Ан-Наср"даги тақдимотидан кўра ранг-баранг ва таъсирчан бўлиб чиққани ҳақида ёзишни бошлади.

Эслатиб ўтамиз, Луис Суарес Европада асосан "Барселона" ва "Ливерпул"даги ўйинлари билан танилган.