«Барселона» президенти Жоан Лапорта Европа суперлигаси лойиҳаси 2025 йилдан ишга тушишини айтиб ўтди.

«Баҳорда Суперлига масаласида қарор қабул қиламиз. Ушбу лойиҳа клублар учун худди футболчилар учун Босман қоидаси каби бўлади. Агар ушбу лойиҳа шаффоф бўлмаганида, мен унда иштирок этишга розилик бермаган бўлардим.

Лойиҳани «Реал», «Ювентус» ва бошқа клублар билан бирга қабул қиляпмиз. Кўп клублар ҳали ўзларининг ошкор этилишларини исташмаяпти. Футболда биз ўзгартиришни истаган ягона нарса — бошқарув модели. Шунинг учун УЕФА бир томон сифатида музокаралар столига ўтирсин.

Агар қарор ижобий қабул қилинса, Суперлига 2025 йилдан бошлаб йўлга чиқиши мумкин. Агар у манфаатли бўлмаса, қандай чора қўллаш кераклигини ўйлаб кўрамиз. Қанчалик муваффақиятга эришишимиздан келиб чиқиб Суперлиганинг келажаги ҳал этилади.

Суперлига лойиҳаси Англия премьер-лигаси билан рақобатбардош бўлади. Англия жамоалари ҳам унга киришини истаймиз. Улар биринчи босқичда Суперлигада иштирок этишмайди.

Миллий чемпионатлар тарафдори сифатида шуни айтаманки, иккинчи босқичдан бошлаб АПЛ клублари Европа суперлигаси лойиҳасига қўшилишади», – деди Жоан Лапорта.