Кеча Артур Таймазов олтин медалн қўлга киритганидан кейин "Лондон олимпиадаси" мавзусида ўтказилган башорат-викторинада 3та саволнинг жавобини топдик.
Танловнинг биринчи саволи бўлган "Ўзбекистон делегацияси сафида қайси спортчи биринчи бўлиб олтин медални қўлга киритади?"га Артур Таймазов дея белгилаганлар ўз ҳисобларига 1 очкони қўшиб қўйишди.
Олимпиадада эркин курашчиларимиз ҳозирча бизга 2та медал (олтин ва бронза)ни тақдим этишди. Қолган 2та медалимиз дзюдо ва боксга тегишли. Бугун фақат 2 нафар курашчимиз баҳсларда иштирок этишини инобатга олсак, бизга энг кўп медални эркин ва юнон-рум курашчиларимиз келтиришди. Викторинанинг 5-саволида айнан шу жавобни танлаганлар ўз очколарини яна биттага оширишди.
Шунингдек, танловнинг "Ўзбекистон спорт делегацияси Олимпия ўйинларида умумий ҳисобда нечта медалга эга бўлади?" 3-саволига "4-6та" вариантини танлаганларни бир очко билан табрикласак бўлади. Сабаби аниқ: ҳозирча 4та медалга эгамиз ва бугун иштирок этадиган курашчиларимизнинг ҳар икки нафар медални қўлга киритган тақдирда ҳам, медалларимиз сони 6тадан ошмайди.
Ўзбекистон делегацияси умумжамоа ҳисобида ҳозирча 47-ўринни эгаллаб турибди. Бу эса ҳозирча танловнинг шу ҳақдаги саволининг "40-ўриндан паст" жавобига мос. Аммо бу ўзгариши мумкин. Бу нарса бугунги курашчиларимизга боғлиқ.
"Лондон олимпиадаси" викторинаси жавоблари ва рейтинги билан қуйидаги саҳифаларда танишиб олишингиз мумкин: компьютер ва мобиль версия орқали.
Ҳозирча рейтингда "Xorazmshox" никли мухлис 4 очко билан пешқадамлик қилмоқда. 17 нафар иштирокчи эса 3 баллдан тўплашган.
