"Аякс"нинг янги дарвозабони Херонимо Рульи клуб билан шартнома имзолаганидан сўнг ўз ҳис-туйғулари билан ўртоқлашди.
Эслатиб ўтамиз, амстердамликлар аргентиналик учун "Вильярреал"га 8 миллион евро товон пули тўлаган эди.
"Мен бу ерда эканлигимдан жуда фахрланаман. “Аякс”га ўтиш таклифини олганимда, икки марта ўйланиб ўтирмагандим. Трансферим учун бу клубдан жуда миннатдорман. Бу футбол ривожига улкан ҳисса қўшган узоқ тарихга эга жамоа", - деди Рульи "Аякс" расмий сайтига берган интервьюсида.
Эслатиб ўтамиз, Рульи "Вильярреал" таркибида Европа лигаси соҳиби ҳисобланади. 2020/21 йилги мавсумда турнирнинг ҳал қилувчи баҳсида “Сариқ сув ости кемаси” “Манчестер Юнайтед”ни пенальтилар сериясида мағлуб этганди.
