"Лестер" ярим ҳимоячиси Юри Тилеманс ҳамон "Арсенал"га ўтишни интиқлик билан кутмоқда. Мавсум охирида бельгиялик футболчи эркин агент сифатида "канонирлар" сафига қўшилиши мумкин.
Ёзда "Арсенал" Тилемансни сотиб олишга тайёр эди, аммо "Лестер" ярим ҳимоячи учун "канонирлар" таклиф қилганидан 6 миллион кўпроқ талаб қилганди. Юри ҳозирда "тулкилар" билан шартномасини узайтириш ниятида эмас ва мавсум охирида "Арсенал"га ўтмоқчи.
Аввалроқ, Тилемансга Туриннинг "Ювентус" ва Каталониянинг "Барселона" клублари ҳам қизиқиш билдирганди. Бельгиялик футболчи бу мавсумда АПЛда 3 та гол урди ва битта голли узатмани амалга оширди.
