Дортмунднинг “Боруссия” клуби ярим ҳимоячиси Жуд Беллингем жамоа билан Испаниянинг Марбелья шаҳрига учиши олдидан паспортини унутиб қўйди.
19 ёшли футболчини онаси қутқариб, ҳужжатларни тўғридан-тўғри аэропортга олиб келган. Шу тариқа футболчи жамоа билан Испанияга учишга муваффақ бўлди.
Беллингем Дортмунднинг “Боруссия” клубида 2020 йилнинг июлидан буён тўп суради. Жорий мавсумда у Дортмунд клуби сафида 22 та ўйинда майдонга тушиб, 9 та гол урди ва 3 та голга ассистентлик қилди.
Унинг "Боруссия" билан шартномаси 2025 йилнинг ёзига қадар мўлжалланган. Transfermarkt англиялик футболчининг нархини 110 миллион еврога баҳоламоқда.
