“Бешиктош” клуби ҳужумчиси Воут Вегхорст “Манчестер Юнайтед” сафига қўшилишга тайёр.
Аввалроқ маълум бўлганидек, "қизил иблислар" 30 ёшли футболчини ижарага олиш борасида келишувга яқин турибди. Нуфузли инсайдер Фабрицио Романонинг сўзларига кўра, Вегхорстнинг ўзи аллақачон трансферга рози бўлган.
Сўнгги қарор футболчининг ҳуқуқларига эга бўлган "Бёрнли" ва ҳужумчини 10 миллион еврога сотиб олиш опсияси билан мавсум охиригача ижарага берган "Бешиктош"да қолмоқда. Турк клуби ижара шартномасини муддатидан олдин бекор қилишга рози бўлса, келишув амалга ошиши кутилмоқда.
Воут жорий мавсумда “Бешиктош” сафида 18 ўйинда 9 та гол урди ва 4 та голли узатмани амалга оширди.
