“Beshiktosh” klubi hujumchisi Vout Vegxorst “Manchester Yunayted” safiga qo‘shilishga tayyor.

Avvalroq ma’lum bo‘lganidek, "qizil iblislar" 30 yoshli futbolchini ijaraga olish borasida kelishuvga yaqin turibdi. Nufuzli insayder Fabrisio Romanoning so‘zlariga ko‘ra, Vegxorstning o‘zi allaqachon transferga rozi bo‘lgan.

So‘nggi qaror futbolchining huquqlariga ega bo‘lgan "Byornli" va hujumchini 10 million yevroga sotib olish opsiyasi bilan mavsum oxirigacha ijaraga bergan "Beshiktosh"da qolmoqda. Turk klubi ijara shartnomasini muddatidan oldin bekor qilishga rozi bo‘lsa, kelishuv amalga oshishi kutilmoqda.

Vout joriy mavsumda “Beshiktosh” safida 18 o‘yinda 9 ta gol urdi va 4 ta golli uzatmani amalga oshirdi.