Германия терма жамоасининг собиқ бош мураббийи Йоахим Лёв Мадриднинг “Реал” клуби бош мураббийи лавозимига даъвогар. Италиялик Карло Анчелотти кетган тақдирда унинг номзоди устувор ҳисобланади, деб хабар беради Goal.com.
Лёв узоқ вақтдан бери "қироллик" клуби қизиқишлари доирасида. Испанлар уни бир неча йил олдин, Зинедин Зидан жамоадан кетганида таклиф қилмоқчи эди. Бироқ, ўшанда битим барбод бўлган.
Йоахим 2006 йилдан 2021 йилгача Германия терма жамоаси бош мураббийи сифатида ишлаган.
Анчелоттига келсак, 63 ёшли италияликнинг "қаймоқранглилар" билан шартномаси 2024 йилнинг ёзида якунига етади.
