"Барселона" вингери Усмон Дембеле Испания чемпионати доирасида "Атлетико"га қарши ўйинда гол урди.
Бугунги гол француз учун Ла Лигадаги жорий мавсумдаги бешинчи гол бўлди. Унда бешта голли узатма ҳам бор. Opta хабарига кўра, Дембеле Ла Лиганинг жорий мавсумида беш мартадан гол урган ва голли узатмани амалга оширган иккинчи футболчига айланди. Буни биринчи бўлиб яна бир француз – Антуан Гризманн амалга оширганди.
"Барселона" бугунги учрашувда мағлубиятга учрамаса, турнир жадвалида якка пешқадамга айланади. "Атлетико" мағлуб бўлса, бешинчи ўринда қолади.
