“Атлетико” ва “Манчестер Юнайтед” клублари ҳужумчи Жоау Феликснинг “қизил иблислар” таркибига ўтиши борасида музокаралар олиб бормоқда.

Британиянинг Миррор нашри хабарига кўра, рад этилган биринчи таклифдан сўнг, "матрасчилар" раҳбарияти ўз шартларини қўйди - футболчининг ижараси учун 10,5 миллион евро, шунингдек, шартномада футболчини сотиб олишнинг мажбурий вариантини белгилаб қўйди.

Олдинроқ "Арсенал" ҳам Мадрид клуби билан музокаралар олиб бораётгани ҳақида маълумотлар пайдо бўлганди. ОАВнинг ёзишича, “Манчестер Юнайтед” футболчи учун курашда етакчилардан бири, чунки бош мураббий Эрик тен Хаг Феликсни Криштиану Роналдунинг ўрнига идеал ўринбосар сифатида кўрмоқда.

Испания Ла Лигасининг жорий мавсумида Феликс “Атлетико” сафида 13 та ўйин ўтказиб, 3 та гол урди ва 3 та голли узатмани амалга оширди.