“Atletiko” va “Manchester Yunayted” klublari hujumchi Joau Feliksning “qizil iblislar” tarkibiga o‘tishi borasida muzokaralar olib bormoqda.

Britaniyaning Mirror nashri xabariga ko‘ra, rad etilgan birinchi taklifdan so‘ng, "matraschilar" rahbariyati o‘z shartlarini qo‘ydi - futbolchining ijarasi uchun 10,5 million yevro, shuningdek, shartnomada futbolchini sotib olishning majburiy variantini belgilab qo‘ydi.

Oldinroq "Arsenal" ham Madrid klubi bilan muzokaralar olib borayotgani haqida ma’lumotlar paydo bo‘lgandi. OAVning yozishicha, “Manchester Yunayted” futbolchi uchun kurashda yetakchilardan biri, chunki bosh murabbiy Erik ten Xag Feliksni Krishtianu Ronalduning o‘rniga ideal o‘rinbosar sifatida ko‘rmoqda.

Ispaniya La Ligasining joriy mavsumida Feliks “Atletiko” safida 13 ta o‘yin o‘tkazib, 3 ta gol urdi va 3 ta golli uzatmani amalga oshirdi.