Мадриднинг "Реал" клуби ўз расмий сайти саҳифаларида ҳимоячи Давид Алабанинг ҳолати ҳақида хабар берди.
Текширув чоғида 30 ёшли австриялик футболчининг ўнг оёқ мушаклари шикастланганлиги аниқланган. Клуб Алабани қайта тикланиш вақти ҳақида аниқ маълумот бермаган.
2022/2023 йилги мавсумда Давид Алаба "Реал" сафида 23 та расмий ўйинда майдонга тушди. Уларда ҳимоячи иккита гол урди ва шеригига учта самарали узатма берди.
Мадриднинг “Реал” клуби айни дамда Испания чемпионати турнир жадвалида иккинчи ўринда бормоқда. Карло Анчелотти жамоаси пешқадам “Барселона”дан 3 очко ортда қолмоқда. "Қаймоқранглилар" навбатдаги ўйинни 11 январь куни Суперкубок ярим финалида "Валенсия"га қарши ўтказади.
