Қишки трансфер ойнасида ярим ҳимоячи Леандро Троссард "Брайтон"дан "Тоттенхэм"га ўтиши мумкин.
Football Insider нашри хабарига кўра, Лондон клуби "чайкалар"га оғзаки таклиф билан чиққан.
Амалдаги шартнома Леандро Троссардни "Брайтон" билан мавсум охиригача боғлайди. Шу билан бирга, клуб шартномани яна бир йилга узайтириш имкониятига эга.
Леандро Троссард 2019 йилнинг ёзидан бери "Брайтон"да ўйнамоқда. Ўшандан бери бельгиялик футболчи 121 та расмий ўйин ўтказиб, 25 та гол урган ва 14 та голли узатмани ҳамкорларига берган.
28 ёшли Леандро Троссарднинг нархи 30 миллион еврога баҳоланмоқда.
