"Тоттенхэм" ҳужумчиси Сон Хён Мин АПЛнинг 20-турида "Арсенал" билан бўладиган ўйиндан олдинги фикрлари билан ўртоқлашди.
"Арсенал" бу мавсумни яхши ўтказяптими? Ростини айтсам, менга қизиқ эмас. Биз уларга мағлуб бўлдик, шунинг учун муваффақиятга эришиш учун кўп иш қилишимиз керак. Ўйлайманки, "Эмирейтс"да мағлуб бўлганимизда мухлисларнинг ҳафсаласи пир бўлди, шунинг учун бизни уйда катта қийинчилик кутиб турибди. Ҳар бир инсон ғалаба қозониш учун бор кучини сарфлашга тайёр бўлиши керак", - деди Сонг Хён Мин Goal билан суҳбатда.
АПЛнинг 2022/23 йилги мавсумида "Арсенал" ва "Тоттенхэм" 9-турда ўзаро ўйнаган ва ўшанда , "Арсенал" клуби ғалаба қозонган (3:1).
Жамоалар ўртасидаги 20-тур учрашуви 15 январь, якшанба куни бўлиб ўтади. Учрашув Тошкент вақти билан 21.30 да бошланади.
"Арсенал" 44 очко билан турнир жадвалида пешқадам, "Тоттенхэм" 33 очко билан бешинчи ўринда.
