Уэльс терма жамоасининг собиқ сардори Гарет Бэйл терма жамоа мухлислари билан хайрлашди.
"Фаолиятимни тугатиш ҳақидаги қарор мен учун бутун фаолиятимдаги энг қийин қарор эди.
Ҳалқаро майдонда ўз ватанимни намоён этиб, бошдан кечирган туйғуларимни сўз билан қандай таърифлаш мумкин? Бу мен учун қанчалик муҳимлигини сизга қандай айта оламан?
Уэльс термаси билан саёҳатим нафақат ҳаётимни, балки ўзимни ҳам ўзгартирди. Мен терма жамоа сардори этиб тайинланганимдан жуда фахрланаман.
Укамга айланган йигитлар билан битта кийиниш хонасини баҳам кўрдим. Биз бир оила эдик.
Энди ўз ўрнимдан воз кечиш вақти келди. Лекин мен терма жамоа билан тамоман хайрлашмайман. У менинг қалбимда абадий қолади", — деб пост қолдирди Бэйл.
Евро-2016да Уэльс терма жамоаси ярим финалга чиқди. Бэйл 2022 йилги жаҳон чемпионатида ҳам терма жамоа сардори бўлди.
