"Милан" ҳужумчиси Оливье Жиру дарвозабон Уго Льориснинг терма жамоадаги фаолиятини якунлаш ҳақидаги қарорига муносабат билдирди.
"Франция терма жамоасида сиз билан бирга ўйнаш шараф ва ғурур эди, бизда сеҳрли лаҳзалар бўлди", - деб ёзди Жиру ижтимоий тармоқларда.
Франция терма жамоаси таркибида Льорис 2018 йилда Россияда бўлиб ўтган жаҳон чемпионатида ғолиб чиқди.
Шунингдек, 2022 йилда Қатарда бўлиб ўтган жаҳон чемпионатида кумуш, Францияда бўлиб ўтган Евро-2016да кумуш медални қўлга киритди.
Эслатиб ўтамиз, Қатарда бўлиб ўтган ЖЧ-2022 якунига этганидан сўнг ҳужумчи Карим Бензема ҳам Франция терма жамоасидаги фаолиятини якунлади.
