"Манчестер Юнайтед"нинг собиқ ҳимоячиси, ҳозирда “Интер Майами” клуби бош мураббийи Фил Невилл аргентиналик ҳужумчи Лионель Месси билан шартнома имзоланиши ҳақида гапирди.
"Мессининг трансфери? Мен бу трансферга ишонаман, чунки МЛС бутун дунёда рақобатбардош лига ҳисобланади. Бу даражадаги ҳар қандай трансфер қийин жараён бўлиб, вақт талаб этади. Агар биз Лионель билан шартнома имзоласак, мен жуда хурсанд бўламан. Мен энг яхши ўйинчилар билан ишлашни хоҳлайман", - деди Невилл Daily Mail билан суҳбатда.
35 ёшли ҳужумчининг "ПСЖ" билан шартномаси 2023 йилнинг ёзига қадар мўлжалланган. Месси жорий мавсумда "ПСЖ" сафида 19 та ўйинда майдонга тушиб, 12 та гол урди ва 14 та голли узатмани амалга оширди.
