"Интер" ҳимоячиси Милан Шкриньяр жамоани тарк этиши мумкин. "Нерадзуррилар" раҳбарияти шартномаси 2023 йилнинг ёзида якунига етадиган футболчига ултиматум қўйди.

Sky Sports Italia хабарига кўра, "нерадзуррилар" футболчига қизиқиш билдирган "ПСЖ" ва "Милан"дан сўнгги таклифларни кутишмоқда. Якуний муддат - 20 январь.

Агар шу вақтгача таклиф тушмаса, "Интер" музокараларни якунлайди ва 27 ёшли словакиялик футболчи билан шартномани узайтирмаса ёзда текинга қўйиб юборади. Олдинроқ миланликлар ҳимоячини сақлаб қолишни исташлари ҳақида хабарлар тарқалганди.