"Inter" himoyachisi Milan Shkrinyar jamoani tark etishi mumkin. "Neradzurrilar" rahbariyati shartnomasi 2023 yilning yozida yakuniga yetadigan futbolchiga ultimatum qo‘ydi.
Sky Sports Italia xabariga ko‘ra, "neradzurrilar" futbolchiga qiziqish bildirgan "PSJ" va "Milan"dan so‘nggi takliflarni kutishmoqda. Yakuniy muddat - 20 yanvar.
Agar shu vaqtgacha taklif tushmasa, "Inter" muzokaralarni yakunlaydi va 27 yoshli slovakiyalik futbolchi bilan shartnomani uzaytirmasa yozda tekinga qo‘yib yuboradi. Oldinroq milanliklar himoyachini saqlab qolishni istashlari haqida xabarlar tarqalgandi.