Нидерландия тарихидаги энг яхши тўпурар Робин ван Персининг ўғли Шакил ван Перси Нидерландиянинг 17 ёшгача бўлган терма жамоасига илк бор чақирув олди.
Иқтидорли футболчи отаси каби чап оёқ ва ҳужумчи сифатида тўп суради. 16 ёшли Шакил онаси томонида Марокаш терма жамоасида ўйнаш имкониятига эга бўлган, аммо у отаси каби Нидерландия вакили бўлишни танлаган.
Ўтган йилнинг 16 май куни Шакил 2018 йилдан буён ўйнаб келаётган "Фейеноорд" жамоаси билан илк шартномасини имзолади. Жорий мавсумда у "Фейеноорд U17" сафида 13 та ўйинда майдонга тушиб, 16 та гол урди.
