Янги мавсумга ҳозирликни бошлаб юборган Жиззахнинг "Сўғдиёна" жамоаси ўз сафига ҳимоячилар "Сурхон"дан Улуғбек Абдуллаев ва "Машъал"дан Мухаммад Юлдашевни ўз сафига қўшиб олди.
Улуғбек Абдуллаев 1998 йил 22 февралда таваллуд топган. Футболчи "Бунёдкор-фарм", "Бунёдкор", "Сурхон" жамоаларида тўп тепган.
Абдуллаев ўтган мавсумда "Сурхон" жамоасида 19 ўйинда майдонга тушиб рақиб дарвозасини бир маротаба ишғол қилган. Ҳамда 1009 дақиқа майдонда ҳаракат қилган. У билан 1 йиллик шартнома тузилди.
"Машъал" жамоасидан таклиф этилган ҳимоячи Мухаммад Юлдашев билан ҳам бир йиллик шартнома имзоланди. Мухаммад 1999 йил 17 февралда таваллуд топган.
Футболчи фаолияти давомида "Сўғдиёна", "Андижон" ҳамда "Машъал" жамоаларида тўп сурган.
Мухаммад Юлдашев 2019 йилги мавсумда жиззахликлар сафида 3 та ўйинда майдонга тушиб 224 дақиқа ҳаракат қилган эди. Футболчи ўтган мавсумда "Машъал" таркибида 25 учрашувда майдонга тушиб жами 1750 дақиқа ҳаракат қилган.
