Yangi mavsumga hozirlikni boshlab yuborgan Jizzaxning "So‘g‘diyona" jamoasi o‘z safiga himoyachilar "Surxon"dan Ulug‘bek Abdullayev va "Mash’al"dan Muxammad Yuldashevni o‘z safiga qo‘shib oldi.
Ulug‘bek Abdullayev 1998 yil 22 fevralda tavallud topgan. Futbolchi "Bunyodkor-farm", "Bunyodkor", "Surxon" jamoalarida to‘p tepgan.
Abdullayev o‘tgan mavsumda "Surxon" jamoasida 19 o‘yinda maydonga tushib raqib darvozasini bir marotaba ishg‘ol qilgan. Hamda 1009 daqiqa maydonda harakat qilgan. U bilan 1 yillik shartnoma tuzildi.
"Mash’al" jamoasidan taklif etilgan himoyachi Muxammad Yuldashev bilan ham bir yillik shartnoma imzolandi. Muxammad 1999 yil 17 fevralda tavallud topgan.
Futbolchi faoliyati davomida "So‘g‘diyona", "Andijon" hamda "Mash’al" jamoalarida to‘p surgan.
Muxammad Yuldashev 2019 yilgi mavsumda jizzaxliklar safida 3 ta o‘yinda maydonga tushib 224 daqiqa harakat qilgan edi. Futbolchi o‘tgan mavsumda "Mash’al" tarkibida 25 uchrashuvda maydonga tushib jami 1750 daqiqa harakat qilgan.
