"Челси" жорий мавсумда трансферларга энг кўп пул сарфлаган клубга айланди.

Лондон клуби "Атлетико"дан ярим ҳимоячи Жоау Феликсни 11 миллион евро эвазига ижарага олди.

Умуман олганда, Transfermarkt портали маълумотларига кўра, "Челси" янги ўйинчилар учун 355,49 миллион евро сарфлади, бу бошқа клублардан кўра кўпроқ. Бу кўрсаткич бўйича иккинчи ўринни “Манчестер Юнайтед” (240,32 миллион евро), учинчи ўринни “Вест Хэм” (182 миллион евро) эгаллаб турибди.

Феликснинг трансфери "Челси"нинг қишки трансфер ойнасидаги тўртинчи трансфери бўлди. Бу даврда лондонликлар ҳам энг кўп пул сарфлаган - 73,5 миллион евро. Португалиялик билан шартнома имзолашдан аввал “кўклар” Бенуа Бадьяшилени 38 миллион еврога, Андре Сантосни 12,5 миллион еврога ва Давид Фофанани 12 миллион еврога сотиб олди.