"Барселона" Тель-Авивнинг "Маккаби" клуби ярим ҳимоячиси Оскар Глухга эътибор қаратмоқда, деб хабар беради ONE журналисти Амир Раз.
Каталония клуби скаутлари икки марта 18 ёшли исроиллик футболчини ўйинларини томоша қилиш учун "Маккаби" ўйинларига ташриф буюришган.
Глух жорий жамоаси билан мавсумни якунлаши ва ёзда сотилиши кутилмоқда.
Transfermarkt жорий мавсумда 4 та гол урган ва 6 та голли узатмани амалга оширган футболчини 4,5 миллион еврога баҳоламоқда.
Октябрь ойида Глух Исроил терма жамоасида дебют қилди ва Кипр терма жамоаси дарвозасига гол урди (3:2).
