ФИФА 2022 йилнинг энг яхши мураббийи совринига номзодлар рўйхатини эълон қилди. Соврин учун беш нафар мутахассис кураш олиб боради: Карло Анчелотти, Дидье Дешам, Хосеп Гвардиола, Валид Реграги ва Лионель Скалони.
Аргентина терма жамоаси ўтган йили Лионель Скалони бошчилигида жаҳон чемпионатида ғолиб чиққан эди.
Валид Реграги бош мураббийлигидаги Марокаш терма жамоаси сенсацион тарзда ўтган йили жаҳон чемпионатининг ярим финалига қадар етиб борганди.
"Реал" Карло Анчелотти бошчилигида 2022 йилда Ла Лига чемпиони ва Чемпионлар Лигаси кубогини қўлга киритди.
Дидье Дешам Франция терма жамоасини ўтган йили кетма-кет иккинчи турнирда жаҳон чемпионати финалига олиб чиқди.
Хосеп Гвардиола эса, "Манчестер Сити" билан АПЛ чемпионлигини қўлга киритди.
