Каталония клуби Испания Суперкубоги финалига йўл олди, жамоа "Бетисни" турнирнинг ярим финалида пенальтилар сериясида мағлуб этди. "Барселона"нинг зарбаларидан бирини Ансу Фати амалга оширди. Учрашувдан сўнг жамоанинг ёш ҳужумчиси клуб муваффақияти ҳақида фикр билдирди.
"Ўйин ҳақиқатан ҳам қийин бўлди, "Бетис" яхши клуб. Аммо пенальтилар сериясида ғалабани тортиб олишга муваффақ бўлдик. Биз эса финалдамиз', - дея Фати сўзларидан иқтибос келтиради "Барселона" матбуот хизмати.
Эслатиб ўтамиз, "Барселона" 1982 йилда ташкил этилган турнирда 13 марта ғалаба қозонган, охирги марта эса 2018 йилда чемпион бўлганди. Суперкубокни қўлга киритиш Хави учун "Барселона" мураббийи сифатидаги биринчи соврин бўлиши мумкин.
