Яқинда Англия кубоги доирасидаги Лондоннинг "Арсенал" жамоаси "Оксфорд" устидан 3:0 ҳисобида ғалаба қозонган учрашувида қизиқ эпизод юзага келди.
Англия телеканалларидан бирида жонли эфирда ўйин ҳақида фикр билдирган "Арсенал"нинг собиқ футболчиси Иан Райт трибунада ўзининг собиқ жамоадоши Дэвид Платтни танимади, у билан нафақат "Арсенал"да, балки Англия терма жамоасида ҳам бирга ўйнаган.
Райт камера қаршисида турган Платтга ҳеч қандай муносабат билдирмади, бироқ журналистнинг маслаҳати уни ўйга толдирди.
- Вой, бу Дэвид Платт-ку?! Ҳа, у бироз ўзгарибди! - деди Райт.