Италия ички ишлар вазирлиги "Наполи" ва "Рома" мухлисларига икки ойга сафар ўйинларига ташриф буюришни тақиқлади, деб хабар беради ANSA.
8 январь куни 300 га яқин “Наполи” ва “Рома” мухлислари Италиянинг марказий қисмидаги Арецо шаҳри яқинидаги автомагистралда оммавий муштлашув уюштиришди.
"Наполи" мухлислари "Сампдория" билан ўйин учун Генуяга, "Рома" мухлислари эса Миланга йўл олишганди. Полиция автомагистрални тўсиб қўйишга мажбур бўлди, тўқнашувлар тахминан 50 дақиқа давом этди, натижада тўққиз километрлик тирбандлик юзага келди.
Оқибатда бир мухлис тан жароҳати олиб, шифохонага етказилган. Кейинроқ у тинчликни бузгани учун ҳибсга олинган, бироқ кейинчалик муштлашувда иштирок этгани учун ҳибсга олинган ҳар икки клубнинг бир қанча бошқа мухлислари билан бирга қўйиб юборилган.
