"Манчестер Юнайтед"нинг ўнг қанот ҳимоячиси Аарон Уан-Биссака қишда жамоани тарк этмайди.

25 ёшли футболчига Премьер-лиганинг турли клублари, жумладан, "Кристал Пэлас" ва "Вулверхэмптон" клублари қизиқиш билдиришди, бироқ Goal нашрининг хабар беришича, Эрик тен Хаг англиялик футболчининг ўйинидан қониқиш ҳосил қилмоқда. Шу сабабли, уни ҳеч бўлмаганда жорий мавсум охиригача сақлаб қолишни мақсад қилган.

Transfermarkt портали Уан-Биссаканинг трансфер нархини 18 миллион еврога баҳоламоқда. Англия чемпионатининг жорий мавсумида ҳимоячи беш марта майдонга тушди. Унинг шартномаси 2024 йилнинг ёзига қадар мўлжалланган.