Италиянинг "Аталанта" клуби ҳужумчиси Дуван Сапата фаолиятини Англия Премьер-лигасида давом эттириши мумкин.
«Эвертон» мавсумни ёмон ўтказмоқда - 19 турдан кейин атиги 15 очко ва Англия чемпионати турнир жадвалида 19-ўрин. Клуб тушиб кетиш зонасидан чиқиб кетиш учун таркибни сезиларли даражада кучайтиришга умид қилмоқда ва 31 ёшли ҳужумчи билан Франк Лэмпард ҳужумдаги муаммолар ечимини кўрмоқда, дея хабар бермоқда Sky Sports нашри.
«Эвертон» «Аталанта» билан музокараларни бошлаб юборган. Айни дамда томонлар колумбиялик футболчини кейинчалик 17 миллион еврога сотиб олиш имконияти билан ижарани муҳокама қилишмоқда.
Дуван Сапата ёзда "Вест Хэм"га ўтиши мумкин эди, аммо келишув амалга ошмай қолди. Transfermarkt портали футболчининг нархини 18 миллион еврога баҳоламоқда.
