АПЛнинг 20-туридан ўрин олган “Арсенал” ва “Тоттенхэм” футболчилари ўртасида можаро келиб чиқди.
“Канонирлар” сафарда “шпорлар” меҳмони бўлиб, 2:0 ҳисобида зафар қучди.
Ўйин охирида "Арсенал" дарвозабони Аарон Рэмсдейл ва "Тоттенхэм" ҳужумчиси Ришарлисон нималарнидир қизғин муҳокама қила бошлашди ва бразилиялик қўли билан англиялик дарвозабонни туртиб юборди.
Стюард уларнинг можаросига аралашди ва дарвозабонни майдон четига кузатиб қўйди ва у ерда шишани олишга қарор қилди. Рэмсдейл уни олиш учун эгилганида, мухлислардан бири уни тепиб, қочиб кетди.
