Жозе Моуриньо А Серияда "Рома"нинг "Фиорентина" устидан қозонилган ғалабасига (2:0) баҳо берди.
"Фиорентина" жуда яхши жамоа, яхши ташкиллаштирилган. Ўтган мавсумда улар ўн киши бўлиб ўйнаганида биз ҳам улар билан қийналган эдик.
Биз бор кучимиз билан яхши ҳимояландик, ўйинни назорат остида ушлаб турдик, алоҳида муаммоларимиз йўқ эди. Лекин мен кўпроқ сифатли, тўп билан ўйнашни ёқтирадиган футболчилар кўпроқ бўлишини истардим.
Тактика ва мотивацияга келсак, футболчиларим ҳақида фақат юқори гапиришим мумкин. Лекин, яна айтаман, тўп билан муомала қилишда бироз маҳорат ва ўзига ишонч бўлишини истардим. Ҳа, биз ўз хусусиятларимиздан келиб чиқиб ўйнаймиз.
Танаффусдан сўнг биз учта ўйин ўтказдик - "Болонья", "Женоа" ва "Фиорентина" ва биз бу учрашувларда ўз дарвозамиз даҳлсизлигини сақлаб қолдик. Бу бизга ғалаба қозониш учун яхши имконият берди, чунки биз кўп гол урмаймиз", - деди “Рома” бош мураббийи.
