Joze Mourinyo A Seriyada "Roma"ning "Fiorentina" ustidan qozonilgan g‘alabasiga (2:0) baho berdi.

"Fiorentina" juda yaxshi jamoa, yaxshi tashkillashtirilgan. O‘tgan mavsumda ular o‘n kishi bo‘lib o‘ynaganida biz ham ular bilan qiynalgan edik.

Biz bor kuchimiz bilan yaxshi himoyalandik, o‘yinni nazorat ostida ushlab turdik, alohida muammolarimiz yo‘q edi. Lekin men ko‘proq sifatli, to‘p bilan o‘ynashni yoqtiradigan futbolchilar ko‘proq bo‘lishini istardim.

Taktika va motivasiyaga kelsak, futbolchilarim haqida faqat yuqori gapirishim mumkin. Lekin, yana aytaman, to‘p bilan muomala qilishda biroz mahorat va o‘ziga ishonch bo‘lishini istardim. Ha, biz o‘z xususiyatlarimizdan kelib chiqib o‘ynaymiz.

Tanaffusdan so‘ng biz uchta o‘yin o‘tkazdik - "Bolonya", "Jenoa" va "Fiorentina" va biz bu uchrashuvlarda o‘z darvozamiz dahlsizligini saqlab qoldik. Bu bizga g‘alaba qozonish uchun yaxshi imkoniyat berdi, chunki biz ko‘p gol urmaymiz", - dedi “Roma” bosh murabbiyi.