"Лейпциг" спорт директори Макс Эберьл ҳужумчи Кристофер Нкунку ёзги трансфер ойнасида "Челси"га ўтишини тасдиқлади.
"Унинг "Челси"га ўтаётгани жуда аниқ масала", - дейди Эберль Bild нашрига.
Олдинроқ "Челси" Нкунку учун тахминан 60 миллион евро тўлаши хабар қилинганди.
25 ёшли франсиялик футболчи жорий мавсумда “Лейпциг” сафида барча мусобақаларда 23 та ўйинда майдонга тушиб, 17 та гол урди ва 4 та голга ассистентлик қилди. Унинг клуб билан шартномаси 2026 йилнинг ёзига қадар мўлжалланган.













