«Барселона» ва «Арсенал» клуби мутасаддиларининг навбатдаги музокарадан сўнг "Арсенал"ярим ҳимоячи Александр Сонгнинг Каталония клубига ўтиши масаласи деярли ҳал бўлган, деб хабар қилади Marca.
Клублар ўртасидаги учрашув Лондонда бўлиб ўтди ва унда «Барселона» вакиллари Хосеп Мария Бартомеу ва Рауль Саньехи Англия пойтахтига учиб келишди.
Каталон клуби бир неча кун ичида Сонгни сотиб олиши тахмин қилинмоқда. Трансфер суммаси 15 дан 20 миллион еврогача бўлиши кутиляпти.
Эслатиб ўтамиз, аввалроқ футболчи испан клуби билан шахсий шартномасини келишиб олганлиги ҳақида хабар тарқалганди.
