Германия терма жамоаси ва "Бавария" клубининг собиқ дарвозабони Оливер Кан Аргентина терма жамоаси билан ўртоқлик учрашувидан сўнг немис телевидениясида бош мураббий Йоахим Лёв билан қизғин баҳсга киришди.
Телевидениеда эксперт бўлиб ишлаётган Кан жонли эфирда Йоахим Лёвни ўта ҳужумкор тактика учун очиқдан очиқ танқид қилди.
"Мураббий аввал ўйлаши, кейин қилиши керак. Албатта, сизнинг Германия терма жамоаси ўйинига ҳужумкор фалсафани олиб кираётганингиз жуда яхши, аммо рақибларимиз дарвозамиз олдида кўплаб голли имкониятларга эга бўляптилар.
Хедира жуда ёмон ўйнади. Унинг ҳудудидан рақиблар тешик очиб олишди. Менга бундай ўйин ёқмади.
Бунга норозилик билдириш керак. Биз италияликларга ютқаздик, энди Аргентинага, учта тўп ўтказиб. Баъзан ўйинчиларга жаҳл қилиб туриш керак", - деди Кан Лёвга.
