"Манчестер Юнайтед" Англия Премьер-лигасининг 7-туридан ўрин олган қолдирилган ўйинни "Кристал Пэлас"га қарши ўтказди. Учрашув 1:1 ҳисобида дуранг билан якунланди.
Ушбу учрашувда "қизил иблислар"нинг португалиялик ярим ҳимоячиси Бруну Фернандеш иштирок этиб, голли узатма берди. Squawka порталининг хабар беришича, бу сермаҳсул ҳаракат Фернандеш учун манкунианликлар сафидаги юзинчи ассист бўлди.
Ярим ҳимоячи 2020 йилнинг январидан бери "Юнайтед"да тўп тепади, у "Спортинг"дан 55 миллион евро эвазига кўчиб ўтган эди.
Англия Премьер-лигасининг жорий мавсумида Фернандеш 18 та ўйин ўтказиб, 4 та гол ва 3 та голли узатмани амалга оширган.
