"Манчестер Юнайтед" бош мураббийи Эрик тен Хаг бразилиялик ярим ҳимоячи Каземиронинг "Кристал Пэлас"га (1:1) қарши ўйинда олган сариқ карточкаси ҳақида ўз фикрини билдирди, у огоҳлантиришлар туфайли навбатдаги ўйинни ўтказиб юборади.
"Менимча, у инстинктив равишда қоида бузди. Очиғи, бу биз учун хавфли ҳолат эди. Каземиро ҳужумни тўхтатмоқчи бўлди, у шундай муносабатда бўлди. Охирги сафар биз "Арсенал"ни усиз мағлуб этгандик, шунинг учун бўлажак ўйинда ҳам шундай қилишимиз керак", деди Тен Хаг BBC Sport'га.
Лондоннинг “Арсенал” жамоаси билан учрашув 22 январга белгиланган. Ўйин Тошкент вақти билан 21:30 да бошланади.
