"Манчестер Сити" ҳужумчиси Хулиан Альварес жамоадоши Эрлинг Холанд ҳақида гапирди.

Аргентиналик футболчининг фикрича, супер-муваффақиятли норвегиялик билан рақобат унга фойдали бўляпти:

"Холанд нафақат ажойиб футболчи, балки ажойиб инсон ҳам. У доим менга ёрдам беришга ҳаракат қилади. У бу ерда ҳам, аввалги клубларда ҳам ўз даражасини исботлаб бўлган, лекин мени энг ҳайратга солган нарса унинг менталитети бўлди, у ҳар куни кўпроқ нарсани хоҳлайди. Энг яхшилар билан бир жамоада ўйнаш фойдали, мен ундан ўрганишга, ниманидир ўзлаштиришга ҳаракат қиламан", - дея Альвареснинг сўзларидан иқтибос келтиради "Манчестер Сити" матбуот хизмати.