"Манчестер Юнайтед" ҳужумчиси Энтони Эланга Дортмунднинг "Боруссия" клубига ўтишга рози бўлди. Немис клуби 20 ёшли швециялик футболчини мавсум охиригача ижарага олишга тайёр, дея хабар беради журналист Фабрицио Романо.
Бироқ “Манчестер Юнайтед” ҳужумчининг жорий мавсумдаги имкониятлари борасида ҳали бир қарорга келмаган.
Эланга "Манчестер Юнайтед"да 2022 йилнинг январидан бери тўп суради. Жорий мавсумда у инглиз клуби сафида 14 та ўйинда майдонга тушиб, 1 та голли узатмани амалга оширган.
2022 йилнинг март ойида Эланга Швеция терма жамоасида дебют қилган.
