"Манчестер Юнайтед"нинг собиқ марказий ҳужумчиси Энди Коул "Наполи"нинг нигериялик ҳужумчиси Виктор Осимхеннинг "қизил иблислар" сафига ўтиши мумкинлиги ҳақида фикр билдирди.
"Виктор жуда яхши. Менимча, у "Манчестер Юнайтед" учун узоқ муддатли яхши вариант бўлиши мумкин. Аммо “Наполи” уни қўйиб юборадими, деган савол туғилади.
Осимхен - чаққон ҳужумчи, тўпни яхши бошқаришни билади. Унинг "Ливерпул"га қарши ўйинини эслайман. Ўша ўйинда Виктор "мерсисайдликлар" ҳимоясига муаммо туғдирганди", — деди Коул Metro билан суҳбатда.
Жорий мавсумда Осимхен 18 та ўйинда 13 та гол ва 4 та голли узатмани амалга оширди.
