"Барселона" аёллар ўртасидаги "Эл Класико"да ғалаба қозонди.
Каталония клуби Испания Суперкубоги ярим финалида “Реал”ни қўшимча бўлимлардан сўнг 3:1 ҳисобида мағлуб этди. Ўйиннинг 59-дақиқасида Ирен Паредес иккинчи сариқ карточка олиб, майдонни тарк этганидан сўнг, "Барселона" бир соатдан кўпроқ вақт ичида бир киши кўп бўлиб ўйнади.
Учрашувнинг асосий вақти 1:1 ҳисобида якунланди. “Барселона” ҳужумчиси Клаудия Пина 24-дақиқада ҳисобни очди. “Реал” эса 54-дақиқада шотландиялик Кэролайн Вейрнинг голи эвазига ҳисобни тенглаштирди.
Қўшимча бўлимларда фақат "Барселона" футболчилари гол уришди. Мариона Кальдентей 111-дақиқада пенальтидан, Сальма Параллуэло эса 120-дақиқада гол урди.
"Барселона" Испания Суперкубоги финалида "Реал Сосьедад"га қарши майдонга тушади.
