"Манчестер Юнайтед" бош мураббийи Эрик тен Хаг ярим ҳимоячи Жейдон Санчо машғулотларга қайтгани ҳақида фикр билдирди.
Эслатиб ўтамиз, ярим ҳимоячи 22 октябрдан бери касаллик туфайли "Манчестер Юнайтед"да ўйнамаяпти, Қатарда бўлиб ўтадиган ЖЧ-2022ни ҳам ўтказиб юборди. Ноябрь ойида Санчо ижтимоий тармоқларини бошқаришни тўхтатди.
"Биз босқичма-босқич боришимиз керак. Энди Жейдонга кейинги қадамни ташлаш вақти келди. Тўғри, сешанба куни у биринчи марта жамоа билан машғулот ўтказди, аммо жамоавий машғулот ўйин олдидан сўнгги машғулотдир", - деди тен Хаг.
Англия Премьер-лигасининг жорий мавсумида Санчо ўнта ўйин ўтказиб, иккита гол урди ва битта голли узатмани амалга оширди.
