Антонио Конте "Тоттенхэм"нинг ҳимоявий ўйинини танқид қилди.
Лондонликлар жорий мавсумда АПЛнинг 20 та ўйинида 31 та гол ўтказиб юборишди.
"Охирги 10 ўйинда ўтказиб юборилган 21 гол одатда қуйи лигага тушиб кетиш зонасида бораётган жамоанинг кўрсаткичидир.
Ўйлайманки, биз жамоавий руҳ, ирода ва хоҳишимизни оширишимиз керак. Балки чидашни унутгандирмиз... Натижани сақлаб қолиш, гол ўтказиб юбормаслик учун ирода ва истак кўрсатиш керак.
Уго Льорис ўтган мавсумда неча марта ўз дарвозаси дахлсизлигини сақлаганини эслолмайман. Лекин бу мавсумда биз камида иккита гол ўтказиб юбордик - бу бизнинг ўртача кўрсаткичимиз. Бу жамоанинг лигада жон сақлаб қолиш учун курашаётганига ўхшайди.
Айрим жиҳатларда муваффақиятга эришдик. Аммо бошқа элементлар ўтган мавсумда қилган ишимизга қайтиши ва янада мустаҳкам ва диққатли бўлиши керак" - деди "Тоттенхэм" бош мураббийи.
