Юрген Клопп "Челси"нинг янги ўйинчилар учун катта харажатлари ҳақида фикр билдирди.
Лондон клубининг янги эгалари трансферлар учун 372 миллион фунт сарфлади. Бонусларни ҳисобга олган ҳолда, сумма 400 миллион евродан ошади.
"Уларнинг харажатлари қизиқ. Лекин буни тушунтириб беролмайман. Агар бу рақамларнинг барчаси тўғри бўлса, бу жуда таъсирли.
- "Челси"нинг ҳаражатлари сизни хавотирга солмоқдами?
- Менимча, "Челси" кейинги 10 йилни худди шундай ўтказа олмайди. Билмайман. Балки ўтказа олишар. Келажакда инвестициялар тўхтайди деб ўйламайман. Ва бу шуни англатадики, биз ҳам буни қилишимиз керак.
Бошқа томондан, мен мураббийликка ишонаман, мен ривожланишга ишонаман, жамоа қуришга ишонаман - бу нарсалардан 100 фоиз фойдаланиш керак.
Агар сиз янги жамоа тузсангиз, бу уни ҳар йили янгилаш керак дегани эмас. Гап шундаки, ўйинчиларга олдинга қадам ташлашга имкон бериш керак. Бизда шундай футболчилар бор.
Бошқа клубларни ҳаражатлари ҳақида қайғурмаслик керак. Бундай вазиятларга муносабат билдиришимиз керак, аммо бошқа жиҳатлари ҳам бор", - деди "Ливерпуль" бош мураббийи.
